Chirchbärg SG

Chirchbärg
	Wappe vo Chirchbärg
Basisdate
Staat:	Schwiiz
Kanton:	St. Galle (SG)
Wahlchrais:	Toggeborg
BFS-Nr.:	3392
Poschtleitzahl:	9533
UN/LOCODE:	CH KRG
Koordinate:	720376 / 251132Koordinate: 47° 24′ 0″ N, 9° 2′ 0″ O; CH1903: 720376 / 251132
Höchi:	735 m ü. M.
Flächi:	42,59 km²
Iiwohner:	9632 (31. Dezämber 2022)
Website:	www.kirchberg.ch
	Bazehääd Bazehääd
Charte
	Charte vo Chirchbärg

S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Kirchberg vermyde, wo öppis anders meined.

Chirchbärg isch e politischi Gmaind mit öppä 8000 Iwohner im Kanton Sanggale, Schwiz.

Geografii

D Gmaind Chirchbärg lit im undere Toggeburg und gränzt im nordweschte as Thurgi. Zu de Gmaind ghöred s Dorf Chirchbärg, s Dorf Bazehääd a de Thur une, d Dörfer Möselbach, Gähwil und Diätschwil.

Nochbergmainde send im Süde Moslig, im Oschte Lütischborg und Jonschwil, im Norde Rickebach TG, Wiile TG und Sirnach, im Weschte lit no Fischinge TG.

Sehenswördikaite

Näbet de Dorfcherchene z Bazehääd und z Chirchberg ghört zu de Sehenswördikaite vo de Gmaind au de 966 Meter höch Usichtsbärg St. Iddaburg mit em Wallfahrtsort vo de Heilige Idda. De Berg isch scho i de Bronzezitt bisidlet gsii. O bi Underbazed hett mer us de Tuur Fünd us de Bronzezitt borg.

Verchehr

Bazehääd het en Bahnhof a de Liniä Wil-Wattwil, de ehemolige Bodesee-Toggeburg-Bahn, wo hüt Südostbahn heisst. Userdäm gits e Busliniä vo Wil über Chirchbärg uf Gähwil und eini vo Bazehääd uf Dietschwil. Möselbach isch nöd an öffentlichä Verchehr agschlossä.